Қазақстан үкіметі ұшақпен тасуға болмайтын заттардың жаңа тізімін шығарды

Ұшақпен тасуға болмайтын заттар тізілген жаңа тізім үкіметтің 2023 жылғы 27 шілдеде шығарған бұйрығында жазылған. 

Қолжүк пен багажға мыналарды салуға болмайды: 

• жарылғыш заттар, оқ-дәрі, снаряд және олардың муляжы;
• радиоактив заттар;
• есірткі заттар;
• сығылған және сұйытылған газдар, аэрозольдің дәрі түрлерінен басқа түрлері;
• тез тұтанғыш сұйықтықтар мен заттар (ацетон, бензин, алкоголь ішімдіктер, тағы басқасы);
• тұтанғыш қатты заттар (калий, натрий, фосфор, тағы басқасы);
• улы және улайтын заттар;
• инфекция туғызатын заттар мен материалдар;
• күйдіретін және тоттанатын заттар;
• бос оттықтар, жанармай мен жанар-жағармай құйылған кез келген зат;
• атыс қаруының, үшкір, кесетін қарудың барлық түрі, бита, кий, сойыл, ескек, сырғытпа таяқ, қармақ сап.
  

Қолжүкке көлемі 100 миллилитрден асқан сұйықтық, аэрозоль мен гель салуға болмайды. Олар мыналар: 

• су, сусындар, сироп, джем, бұқтырылған ет, соус, паста;
• крем, лосьон, гель, косметика зат пен май;
• әтір, спрей;
• қырынуға арналған көбік, дезодорант;
• паста (тіс пастасы да);
• ерінге арналған жылтыр далап пен кірпік сүрмесі;

Қолжүкке темекі шегетін құрал, литий-ионды электрондық құрылғылар мен қосымша батареялар салуға болмайды.

Тыйым салынған заттар тізімін мына жерден оқи аласыздар.